Sacrosanctę ęcclesię Dei Cluniensi, quę est in honore beatorum apostolorum Petri et Pauli, ego Alburgis dono terram quę est in pago Lugdunensi, in villa Enesco, pro anima mea vel parentum meorum: est autem curtilus unus qui terminatur a mane terra Otgerii, a meridie terra Sancti Petri, a sero de ipsa, a circio terra Siebodi; et quęque habeo in ipsa terminatione vel ad eam pertinent, dono ad Cluniacum, videlicet terras arabiles et unum pratum habens perticas V; totum ibi dono quęsitum et adquirendum, et faciant monachi jam dicti loci quod placuerit eis, nullo contradicente. Si quis hęc calumpniari voluerit, non evendicet, sed componat II libras auri, et donatio hęc firma stabilisque permaneat, astipulatione subnixa. Actum Enesco. S. Alburgis, quę donationem fecit et firmare rogavit. S. Alboldi. S. Eldeverti. S. Arnoldi. Ego Aymo presbiter scripsi die sabbati, V idus junii, regnante Rodulfo rege.